Atanasoski: Qëndrimi i VMRO-së kundër ndryshimeve kushtetuese, kundërshtim i politikës perëndimore të Maqedonisë së Veriut

Kundërshtimi i ndryshimeve kushtetuese, nga koalicioni VMRO-DPMNE – ‘Levica’, i dy partive parlamentare që kundërshtojnë përfshirjen e bullgarëve në Preambulë, si dispozitë e të ashtuquajturit “propozim francez”, i cili në thelb është një konsensus i Bashkimit Evropian (BE), me mbështetjen e politikës së jashtme të lartë amerikane, është kundërshtim i politikës perëndimore në Maqedonisë së Veriut, kështu vlerëson në një prononcim për Indeks.mk, politikologu Blagojçe Atanasoski.

“Ky kundërshtim është kundërshtim i politikës perëndimore në Maqedoninë e Veriut dhe ndaj rajonit të Ballkanit Perëndimor. Ja për ‘Levicën’ edhe mund ta kuptojmë disi që këtë që po e bënë është ‘normale’, por kjo politikë e opozitës, së pari rrezikon ta zhytë Maqedoninë në një krizë të re politike, duke bllokuar rrugën e vendit drejt BE-së, që Shqipëria të vazhdojë e vetme, e që është shumë e rrezikshme për marrëdhëniet ndër-etnike në vend. Së dyti rrezikon të etiketohet si një parti anti-perëndimore dhe në rast të fitores eventuale të saj në zgjedhje parlamentare (qofshin të rregullta apo të jashtëzakonshme), do të pengohet të formojë një qeveri, në mënyre eksplicite do tu ndalohet shprehimisht partive shqiptare nga vetë shqiptarët të menduarit për koalicion me VMRO DPMNE-në dhe Mickoskin për të mbështetur synimin e tij për t’u bërë kryeministër dhe që kjo parti të bëhet parti në pushtet në vendin tonë”, deklaroi Atansoski.