“Në fund të kësaj jave ose në fillim të javës së ardhshme do të kemi një përgjigje konkrete që do të jetë në drejtimin se çfarë ka bazë ligjore dhe çfarë mund të pranohet. Çdo gjë tjetër që nuk mund të pranohet dhe që kërkon ndryshime ligjore, nuk mund të shqyrtojmë kërkesa të tilla në këtë periudhë”.
Këtë e tha ministri i Arsimit dhe Shkencës Jeton Shaqiri lidhur me kërkesat e disa maturantëve për shkurtimin e materialit për provimin e maturës shtetërore, për të cilin ata protestuan të premten dhe u pranuan në takim në kabinetin e ministrit.
Shaqiri tha se sot ka pasur takim me drejtorin e Qendrës për Provime Shtetërore (QPSH) për kërkesat e tyre dhe ka theksuar se ministria mbështet gjithçka që ka bazë ligjore.
“Një pjesë e unionit të nxënësve ka qenë në komunikim të rregullt me QPSH gjatë vitit të kaluar dhe janë informuar për gjithçka që duhet bërë në maturën shtetërore. Por sërish, pas kërkesës së gjimnazistëve, sot kam pasur takim me QPSH dhe do të kemi një përgjigje konkrete për kërkesat e tyre”, tha Shaqiri, duke iu përgjigjur pyetjeve të gazetarëve pas promovimit të grupit të parë të nxënësve nga Iniciativa “Global Engineer Girls North Macedonia”.
Shaqiri sot ka pasur takim edhe me kryetarë dhe përfaqësues të unioneve studentore nga universitetet për të diskutuar kërkesat e tyre.(Telegrafi)
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…