Pasi u mbyll faza e së tetës së finales, është koha për t’i bërë llogaritë në Ligën e Kampionëve. Sa u përket golashënuesve më të mirë deri tash në edicionin 2022/23, primatin e mori Erling Haaland, i cili shpërtheu në duel me Leipzigun duke i realizuar plot pesë gola të martën mbrëma në fitoren 7:0 të Manchester Cityt.
E prapa tij gjendet Mohamed Salah i Liverpoolit, i cili do ta mbyllë sezonin me 8 gola duke e pasur parasysh se “Reds” u eliminuan mbrëmë nga Championsi pas humbjes së dyfishtë nga Real Madridi, shkruan “Gazeta Express”.
As i treti në renditje, Kylian Mbappe, që i ka 7 gola, s’mund të shkojë më lart pasi Paris Saint-Germaini u eliminua nga Bayerni në të tetën e finales.
Rreziku kryesor për Haalandin mund të jetë Vinicius Junior, ani pse i ka 6 gola (4 më pak se norvegjezi), por që sulmuesi brazilian ka mundësi t’i zhvillojë edhe disa ndeshje në Ligën e Kampionëve me Realin.
Më poshtë mund ta shihni listën e golashënuesve më të mirë të Championsit. /Gazeta Express/
10 gola: Haaland (Manchester City)
8 gola: Salah (Liverpool)
7 gola: Mbappe (Paris Saint-Germain)
6 gola: Vinicius (Real Madrid) e Joao Mario (Benfica)
5 gola: Taremi (Porto), Rafa (Benfica), Lewandowski (Barcelona)
Këngëtari nga Shkupi, Lindon Berisha së bashku me artistin nga Shqipëria Luiz Ejlli kanë lanësuar…
Qeveria merr vendim kolektiv, vendimet nuk janë individuale, theksoi sot ministrja e Financave, Gordana Dimitrieska…
“Vendimet e qeverisë janë kolektive dhe jo individuale”, kështu u përgjigj sot ministrja e Financave,…
Është me interes pubik që të dihet se çfarë kuadro ka partia Besa, respektivisht për…
Bashkimi Demokratik për Integrim (BDI) shpreh shqetësimin e saj për reagimin e fortë që po…
Bashkimi Demokratik për Integrim sot mbajti mbledhjen e përgjithshme të partisë në Gostivar. Kreu i…