Bekteshi zbriti çmimet e produkteve ushqimore

Vendimi për uljen e çmimeve po respektohet nga prodhuesit dhe tregtarët, sikur për çmimin e bukës, por ka ulje edhe të makaronave dhe produkteve të qumështit. Dhe, sigurisht se kjo do të kontribuojë në lehtësimin e buxhetit familjar të qytetarëve.

Ministri i Ekonomisë, Kreshnik Bekteshi, tregoi se vazhdojnë të planifikojnë mbështetjen e kompanive që do të tregojnë përgjegjësi sociale dhe që do të rregullojnë çmimet.

“U bëj thirrje odave dhe kompanive që të tregojnë përgjegjësi sociale dhe të ulin vetë çmimet e produkteve, duke pasur parasysh uljen e çmimeve të lëndëve të para në bursat botërore. Nëse tregojnë se janë të ndërgjegjshëm dhe ulin vetë çmimet, ne do të dalim me masa të reja mbështetëse, që të jenë më fitimprurëse”

Gjithashtu, ai tha se deri nesër do t’i kemi analizat për çmimet e sheqerit, vezëve dhe orizit dhe deri në fund të ditës do ta informoj kryeministrin nëse ka mundësi të reagojë për produktet tjera.