Atanasoski: Qeveri pa shqiptarët praktikisht e pamundur, deklarata e Nikollovskit populiste

Nënkryetari i VMRO-DPMNE-së Aleksandar Nikollovski, në paraqitjen e fundit televizive mes tjerash ka thënë se nëse partia e tij fiton 61 deputetë, mund të formojë lirish qeveri pa shqiptarët. Politikologu Blagojçe Atanasoski thotë se kjo në praktikë dhe realitet është praktikisht e pamundur.

“Në legjislacionin nominalisht kushtetues-juridik, kjo është e mundur dhe nuk cenon as Kushtetutën e as ligjin, por në praktikë dhe realitet tridhjetë vjet shtet është praktikisht e pamundur. Kjo deklaratë fatkeqe do të thosha është bërë për motive populiste, për të marrë sa më shumë vota maqedonase për këtë “politikë”, që në fund të jetë ftuar pa problem një partner koalicioni shqiptar. Këtë e di edhe zyrtari i lartë i opozitës. Por është për të ardhur keq për ata qytetarë, votues që u besojnë deklaratave të tilla dhe më pas heshtin, pavarësisht se ndodh e kundërta. Sa për ta përmendur, VMRO- DPMNE u betua në 2005 se nuk do të formohej një koalicion me ‘terroristët’, por nga viti 2008 deri në 2017 nuk kishte asnjë forcë të gjallë që mund t’i ndante. Me përjashtim të atij amerikan, në fund, sigurisht…”, deklaroi Atanasoski për PRESSonline.mk

Numëri dy i VMRO-DPMNE-së, Aleksandar Nikollovski ka deklaruar se: “Nëse fitojmë 61 deputetë nuk kemi obligime ndaj askujt, sepse ata i thyen të gjitha rregullat në këtë shtet dhe do të shohim nëse fare do të thërrasim prtner koalicioni. Nëse më thoni tani se duhet të ketë partner shqiptar të kolicionit, nuk ka nevojë të ketë partner shqiptar koalicioni, sepse ata i shkelën të gjitha rregullat”. Ky është vokabular i njëjtë që i përngjan atij të Gruevskit, e madje edhe më i vrazhdët.