Ukraina ka bërë me dije se trupat ushtarakë të Wagner po tërhiqen nga Bahmuti. Zvëvendësministrja e mbrojtjes së Ukrainës, Hanna Mailar, deklaron se forcat e Ëagner po zëvendësohen nga trupat e ushtrisë të rregullt ruse.
Sipas saj, kjo tërheqje vjen pasi trupat e Wagner mbetën të vetëm dhe pa përkrahjen e Moskës.
Mailar shtoi se forcat ruse po përpiqen të ndalojnë fitimet e arritura në krahë nga trupat ukrainase gjatë javës së fundit me bombardime artilerie dhe rusët po përforcohen në ato zona.
Megjithatë ajo thekson se forcat ukrainase kontrollojnë periferinë e qytetit.
Shefi i Wagner Yevgeny Prigozhin tha më herët se tërheqja e luftëtarëve të tij nga Bakhmut kishte filluar dhe do të zgjaste deri më 1 qershor.
Të shtunën, Prigozhin pretendoi se kishte pushtuar qytetin dhe njoftoi se do t’ia dorëzonte kontrollin e tij Ministrisë së Mbrojtjes Ruse.
