RMV, 7500 qytetarë morën vaksinën ruse

42

Ka arritur në 7500 numri i punonjësve të infrastrukturës kritike që vaksinohen me vaksinën ruse “Sputnik V”. Sot në rradhë për imunzim ishin pjestarët e armatës dhe mësimdhënësit që procesin arsimorë e zhvillojnë me prezencë fizike. Ministri I Shëndetësisë, Venko Filipçe siguron imunizim pa ndërprerje duke nënvizuar se gjatë këtij muaji pritet të arrijnë sasitë e reja të vaksinave.

“Sipas informacioneve vaksinat Astra Zeneka, më tej vaksinat Fajzer pritet që vijnë këtë muaj, vaksinat kineze gjithashtu. Kështu që, deri në fund të muajit të gjitha këto vaksina që i përmenda grupet e imunizimit, të personave të moshuar dhe të grupit të infrastrukturës kritike, do të fitojnë edhe doza tjera të vaksinave. Vaksinat Sputnik janë në sallën Boris Trajkovski dhe sipas dinamikës së përdorimi dhe aplikimit ato janë diku 2500 në ditë. Kjo don të thotë se rreth 7500 tashmë janë përdorur ose do të përdoren përfshirë edhe ditën e sotme”, deklaori Filipçe.

Duke folur për çmimet e larta për mjekim në spitalet private, “Remedika”, “Zhan Mitrev” dhe “Sistina”, Filipçe tha se shteti nuk ka mënyrë formale juridike për t’I detyruar spitalet private të ulin çmiet për mjekim.

“Edhe pse bëra apel që t’i ulin çmimet sepse është krizë, sepse është pandemi, doktor Zhan Mitrev shprehi gatishmëri dhe tha se sot do të njoftoj se a do t’i ulë çmimet për një përqindje të caktuar. Kurse nga “Sistina”, qartë më thanë se këtë nuk do të mund ta bëjnë sepse kjo nuk ka logjikë ekonomike”, tha Filipçe.

Kujtojmë se 8 mjekë nga këto spitale private, gjegjësisht 5 mjekë nga “Sistina”, 2 nga “Remedika” dhe 1 nga “Zhan Mitrev”, do të përfshihen ne sistemin e rotacionit të klinikave shtetërore në Shkup.