Vendimi për ndalimin e transferimeve të klubit gjerman Kolnit është pezulluar deri në një vendim tjetër ka njoftuar këtë të premte klubi gjerman, pasi këtë vendim e ka marr Gjykata Ndërkombëtare e Arbitrazhit Sportiv (CAS).
Ky është një lajm shumë pozitiv për Leart Paqaradën pasi do të mund t’i bashkohet Kolnit që prej verës, pas përfundimit të sezonit aktual.
Reprezentuesi i Kosovës, që po aktivizohet te St Pauli, ishte zyrtarizuar te klubi i Bundesligës në janar të këtij viti.
28-vjeçari ka nënshkruar kontratë të vlefshme deri në verën e vitit 2026.
“FC Koln u informua këtë mbrëmje nga Gjykata Ndërkombëtare e Arbitrazhit Sportiv CAS se dënimi në rastin Jaka Potocnik do të pezullohet në pritje të vendimit të apelit. Kjo do të thotë se klubi është në gjendje të veprojë në përgatitje për sezonin 2023/24”.
“Angazhimi i Leart Paqaradës, i cili u bë në fillim të janarit, është i vlefshëm. Mbrojtësi i majtë lejohet të kalojë në FC gjatë verës dhe prandaj ka të drejtë të luajë”, thuhet në njoftimin e Kolnit.
ℹ️ Der #effzeh wurde am heutigen Abend vom Internationalen Sportgerichtshof CAS darüber informiert, dass die Strafe im Fall Jaka Potocnik bis zum Berufungsurteil ausgesetzt wird.
Die Transfersperre kommt somit zunächst nicht zum Tragen.
Zur Meldung: https://t.co/IUWnjaHGpe
— 1. FC Köln (@fckoeln) May 26, 2023
Paqarada do të luajë në Bundesliga sezonin e ardhëm. /Telegrafi/
