16.8 C
Skopje

Komentoi kundër Kosovës, ekstremisti francez me nënshtetësi serbe i suspendohet llogaria në Twitter

Arnaud Gouillon, përfaqësues i së djathtës ekstreme franceze, i cili është i njohur për qëndrimet e tija raciste ndaj Kosovës, siç duket kësaj here nuk ka kaluar mirë në rrjete sociale.

Gouillon që ka nënshtetësi serbe, e që mban detyrën e drejtorit të drejtorisë për Bashkëpunim me Diasporën dhe Serbët në Regjion, e cila është në kuadër të Ministrisë së Punëve të Jashtme të Qeverisë së Serbisë, sot është suspenduar nga platforma sociale Twitter.

Sipas njoftimit të bërë nga ai vet në Facebook, tashmë llogaria me mbi 30 mijë ndjekës i është suspenduar përfundimisht, pasi ai kishte bërë një pretendim të rremë karshi vendit tonë.

Në mediat frënge, Arnaud Gouillon quhet edhe një anti-semit, anti-amerikan dhe anti-mysliman.

Që nga koha, kur vepron e jeton në Serbi, Gouillon ka krijuar raporte shumë të mira edhe me ambasadën e Federatës Ruse në Beograd.

Gjithashtu, ai ka hapësirë të rezervuar në mediat ruse në Serbi, veçmas në Sputnik Serbia.

Në vitin 2012 ka qenë kandidat i së djathtës esktreme për President të Francës, në kuadër të Lëvizjes “Generation Identitaire”. Kjo lëvizje esktremiste franceze është pasardhëse e organizatës “Unity Radicale”, e cila kishte organizuar atentat ndaj ish-presidentit francez Jacques Chirac.

Gjatë fushatës elektorale për President të Frances, Gouillon kishte pasur si moto të zgjedhjeve konstatimin racist “Unë jam evropian, sepse flamuri im i parë është lëkura ime”.

Arnaud portretizohet në shtypin francez si “Kalë Troje” i së djathtës ekstreme në Serbi. Emisarët e tillë konsiderohen nga të gjitha think-tanket perëndimore si të dërguar nga Kremlini dhe shërbimet e inteligjenfës së Federatës së Rusisë.

Është themelues i organizatës së ashtuquajtur humanitare e cila merret me serbët e Kosovës. Bashkëthemelues i kësaj organizate “Solidaritete Kosovo” është edhe Nikola Mirkoviq, një opinionist i televizionit të Vladimir Putinit RT (Russia Today). Poashtu, këta njihen edhe përkrahjen e pushtimit të Krimesë ukrainase nga Rusia.

Mirëpo, kjo konsiderohet vetëm një “mbulesë” e veprimtarisë së tij ultra-djathtiste. Në emër të “mbledhjes së fondeve financiare për serbët e Kosovës”, Gouillon ka kryer aktivitete raciste në Evropë, duke bërë thirrje nëpër konferenca sensibilizuese kundër hebrenjve, amerikanëve dhe myslimanëve.

Arnaud Gouillon është i martuar me një serbe.

Ish-presidenti serb Tomislav Nikoliq ia ka dhënë pasaportën serbe.

Ai përveç aspektit propagandistik e nxitjes së urrejtje për racizëm e fashizëm, ka organizuar në Paris edhe protesta kundër njohjes së Kosovës si shtet nga Franca.

Për aktivitetet armiqësore të Gouillon kundër Republikës së Kosovës, atij i është ndaluar hyrja në territorin e vendit tonë, raporton KP.

НАЈНОВИ ВЕСТИ

Gazi rus derdhet në det/ Rrjedhje misterioze pranë Suedise e Danimarkës, dyshohet për sabotazh

Vendet europiane po hetojnë një rrjedhje të pashpjegueshme në dy gazsjellës rus që shtrihen nën detin Baltik pranë Suedisë dhe Danimarkës. Infrastrukturë kjo...

Shqipëria sot përballë Islandës; Broja, Asllani dhe Hysaj drejt stolit, ja formacioni i mundshëm

Kombëtarja shqiptare do të luajë sonte me Islandën në orën  20.45 minuta në stadiumin “Air Albania” në përballjen e fundit  të Ligës së...

Veliaj në Pragë, takon kryebashkiakun e Kievit, Vitali Kliçko: Do vazhdojmë të jemi një nga mbështetësit e palëkudur të Ukrainës

Kryetari i Bashkisë së Tiranës, Erion Veliaj, në një vizitë të tijën në Prage ka takuar kryebashkiakun e Kievit, Vitali Kliçko.   Në një postim në...

Bytyqi: Punë ka – të papunët duhet të rikualifikohen

“Nga viti 2011 deri më 2019 nga vendi ynë janë larguar 700.000 qytetarë ose cdo I katërti ka dalë jashtë vendit. Edhe pse ky...
Translate »